Posterior Reversible Encephalopathy Syndrome
ეეგ
ეეგ– ზე ხშირად არის არასპეციფიკური პათოლოგიური დიფუზური შენელება ან ფოკალური δ ტალღები. PRES სინდრომის მქონე 28 პაციენტიდან აღმოჩნდა დიფუზური შენელება ეეგ–ზე 22, ფოკალური მახვილი ტალღები–3, ხოლო სამი პაციენტის ეეგ იყო ნორმა. PRES სინდრომის ეპილეფსიური სტატუსთან თანდართვისას – ვლინდება რითმული δ ტალღები და მახვილი ტალღები უმეტესად პარიეტო–ოქციპიტალურ და ტემპორალურ წილებში. მდგომარეობის გაუმჯობესებისას ეეგ უბრუნდება ნორმას.
ლაბორატორიული მახასიათებლები
ენდოთელიალური დაზიანება თრომბოციტოპენიით,
ერითროციტების ფრაგმენტაციით და მომატებული
ლაქტატდეჰიდროგენაზა შეიძლება ვლინდებოდეს
PRES სინდრომისას.შესაძლოა სისხლის ანალიზი იყოს ნორმა ან ცილა იყოს მომატებული.
დიფერენციული დიაგნოზი:
• უკანა ცირკულაციის ინსულტი (შესაძლებელია ჰქონდეს მხედველობის დაკარგვა, გულისრევა და სხვა სიმპტომები მაგრამ ჩვეულებრივ გულყრა არ წარმოადგენს დიაგნოსტიკურ მარკერს. ორივეს შემთხვევაში მაგნიტურ–რეზონანსული ტომოგრაფიით FLAIRand T2 რეჟიმში არის ჰიპერინტენსივობა. თუმცა PRES შემთხვევაში მალევე უბრუნდება ნორმას.)
• შექცევადი ცერებრული ვაზოკონსტრიქციის სინდრომი (დამახასიათებელია ძლიერი ხანჯლისჩაცემისმაგვარი ტკივილი, რაც არ არის ტიპური PRES–ს შემთხვევაში, PRES –ის დროს MRI დამახასიათებელია პარიეტო–ოქციპიტალური მიდამოს დაზიანება, რაც პირიქით არ ახასიათებს შექცევად ცერებრულ ვაზოკონსტრიქციულ სინდრომს)
• პირველადი ცნს ვასკულიტი (შესაძლოა მრტ–ზე იყოს სხვადასხვა დროის მრავალჯერადი ინფარქტის კერები)
• ენცეფალიტი (განსაკუთრებით ჰერპესული ენცეფალიტი მსგავსი სიმპტომებით, როგორიცაა აფაზია, კონფუზია, გულყრა. განსხვავება მათ შორის მდგომარეობს რომ PRES–ის სინდრომს არ ახასიათებს ანთებითი სისტემური მახასიათებლები: სიცხე, სისხლის ანალიზში ცვლილებები და ა.შ)
• ეპილეფსიური სტატუსი (რომელიც უმთავრესად არის კორტიკალური და მოიცავს ერთ ჰემისფეროს)
მრტ დიფერენციაცია:
q ნეოპლასტიური–გლიომა, ლიმფომა და სხვა
q ვასკულარული– არტერიული ან ვენური თრომბოზი, ვასკულიტი, ამილოიდური ანგიოპათია
q დემიელინიზაცია– მწვავე ჰემორაგიული ენცეფალოპათია, შილდერის დაავადება.
q ინფექცია (ვირუსული, ბაქტერიული, პარაზიტული)
q ჰიდროცეფალია
q ტრავმა
q გულყრა
q ტოქსიკოზი– რადიაციული თერაპია, იმუნოსუპრესანტები, ანტინეოპლასტიური.
მკურნალობა:
• წნევის კონტროლი
• ციტოტოქსიური პრეპარატების მიღების შეწყვეტა
• ანტიეპილეფსიური პრეპარატების დანიშვნა
• პროგნოზი კეთილსაიმედოა, ვლინდება ნეიროვიზუალიზაციით პროცესის უკუგანვითარება 2 კვირის განმავლობაში, რომელიც თითოეული პაციენტისთვის ინდივიდუალურია.
• PRES წარმოადგენს კლინიკო– რადიოლოგიურ სინდრომს, რომელიც ვითარდება რამდენიმე საათის განმავლობაში და მოიცავს გულყრას, მხედველობით დარღვევებს, მენტალურ დარღვევებს და თავის ტკივილს.
• MRI წარმოადგენს ოქროს სტანდარტს . სადაც ვლინდება ორივე ჰემისფეროში და პარიეტო–ოქციპიტალურ წილებში ძირითადად ცვლილებები. სუბკორტიკალური თეთრი ნივთიერება არის ყოველთვის პროცესში ჩართული, თუმცა ხშირად ქერქთან ერთად. ტიპურია ვაზოგენური შეშუპების არსებობა MRI–ზე.
• ბავშვსაც და მოხუცსაც მნიშვნელობა არ აქვს სქესსაც შესაძლოა განუვითარდეს PRES სინდრომი.
• ტრიგერული ფაქტორებია : იმუნოსუპრესიული თერაპია, უცაბედი ჰიპერტენზია, თირკმლის უკმარისობა, აუტოიმუნური დაავადებანი, ინფექცია .
• პროგნოზი საიმედოა. იშვიათად მეორდება. სიმპტომები ქრება რამდენიმე დღეში, MRI – ზე ცვლილებები ალაგდება ოდნავ მოგვიანებით.
• მკურნალობა მოიცავს ანტიჰიპერტენზიულ პრეპარატებს, უარის თქმას ქიმიოთერაპიაზე და ასევე სხვა ნებისმიერი ზემოთჩამოთვლილ დაავადების მკუნალობაზე.
ნინო შენგელია
No comments:
Post a Comment